Biratnagar, Morang, Nepal
२३ चैत २०८१, शनिवार
+977 21 450305, 515728, 578305
शिक्षा

सहायक प्रमुखमा पुनः डा सुशील अधिकारी

उद्‌घोष सम्वाददाता
२२ चैत २०८१, शुक्रवार

विराटनगर । महेन्द्र मोरङ क्याम्पसको सहायक प्रमुखमा पुनः डा सुशील अधिकारी नियुक्त भएका छन् ।  क्याम्पस प्रमुख डा रामावतार शरणले मानविकी संकायतर्फबाट दुई वर्षे कार्यकालका लागि डा‍. अधिकारीलाई सहायक प्रमुखमा  नियुक्त गरेका हुन् । 

पहिलो पटक  विसं २०७५ असार १० गते तत्कालिन क्याम्पस प्रमुख डा बाबुराम तिमल्सेनाले डा अधिकारीलाई सहायक प्रमुखमा नियुक्त गरेका थिए । यस पटक चैत २०  गते बुधबारदेखि लागू हुनेगरी सहायक क्याम्पस प्रमुखमा नियुक्त भएका हुन् ।

महेन्द्र बहुमुखी क्याम्पस धरानमा विसं २०५४ सालदेखि प्राध्यापन सुरु गरेका डा अधिकारीले महेन्द्र मोरङ क्याम्पसमा २०६५ सालमा प्राध्यापन सुरु गरेका हुन् । 

मगध विश्वविद्यालय बोधगया भारतबाट विसं २०६६सालमा मोरङ्गीया थारुको चित्रकला विषयमा कला र संस्कृति विषयमा विद्यावारिधि गरेका डा अधिकारीमा हालै भएको स्ववियु निर्वाचन २०८१ का संयोजक भएर सफलतापूर्वक कार्य सम्पादन गरेको थिए । 

त्रिविको नयाँ नियमावली अनुसार गठित छनोट समितिले गरेको सिफारिस अनुसार उनी सहायक प्रमुखमा नियुक्त भएका हुन् । सहायक प्रमुख छनोटका लागि डा  देवीबहादुर थापा संयोजक र सदस्यद्वय बद्री बानिया र ललीतनारायण मडर थारू  रहेको तीन सदस्य समिति गठन गरिएको थियो ।

View : 294

Get In Touch

Biratnagar, Morang, Nepal

+977 21 450305, 515728, 578305

udghosh@gmail.com

Copyright © 2023 -2025. Udghosh Daily. All Rights Reserved