करेन्ट लागेर विद्युत प्राधिकरणका कर्मचारीको मृत्यु

विराटनगर । उदयपुरको बेलका नगरपालिका–९ रामपुरमा विद्युत कर्मचारीको करेन्ट लागेर ज्यान गएको छ । 

रामपुर नगर अस्पताल नजिकै विद्युतको पोलमा चढेर मिटर बक्सको तार जोड्ने क्रममा करेन्ट लाग्दा नेपाल विद्युत प्राधिकरण रामपुरमा कार्यरत ४० वर्षीय मिलन राई ज्यान गएको इलाका प्रहरी कार्यालय रामपुरले जनाएको छ ।

पोलमा चढेको बेलामा करेन्ट लाग्दा उनी भुईँमा खसेका थिए । उनलाई तत्कालै उपचारका लागि रामपुर नगर अस्पतालमा उपचार गरी थप उपचारका लागि विराटनगरस्थित नोबेल अस्पताल लगिएको थियो । 

उपचारकै क्रममा चिकित्सकले बुधबार दिउँसो मृत घोषणा गरेका हुन् । 

घटनाको इलाका प्रहरी कार्यालय रामपुर ठोक्सिलाबाट खटिएको प्रहरी टोलीले थप अनुसन्धान अघि बढाएको जनाइएको छ ।