सानिमा बैंकको २०औं साधारणसभा

विराटनगर । सानिमा बैंक लिमिटेडले मंगलबार २०औं वार्षिक साधारणसभा सम्पन्न गरेको छ । 

बैंकका अध्यक्ष तुकप्रसाद पौडेलको अध्यक्षतामा भएको सो सभाले सञ्चालक समितिले प्रस्ताव गरे अनुसार हालको चुक्ता पुँजीको ५ दशमलब २६ प्रतिशत नगद लाभांश (करसहित) प्रदान गर्ने प्रस्ताव पारित गरेको छ ।

आर्थिक वर्ष २०८०–८१ मा २ अर्ब ४० करोड खुद मुनाफा गरेको सानिमा बैंकको कुल सम्पत्ति २३३.८६ अर्ब, कुल निक्षेप १९९.३८ अर्ब तथा खुदकर्जा सापटी १६४.९४ अर्ब रहेको जनाइएको छ । 

आर्थिक वर्ष २०७९–८० को तुलनामा निक्षेप, कर्जा सापटी र कुल सम्पत्तिमा क्रमशः ११.४८, १०.०६ र ८.४५ प्रतिशतले बृद्धि गरेको बैंकका प्रमुख निक्षेप अधिकृत हेमराज सन्ज्यालले जानकारी दिए ।