अब्बल विद्यार्थीलाई पुरस्कार र सम्मान

विराटनगर । मेरिल्याण्ड कलेज विराटनगरले कक्षा–११ का उत्कृष्ट ५० विद्यार्थीलाई मंगलबार एक कार्यक्रम गरी नगद पुरस्कारले सम्मान गरेको छ ।

दोस्रो त्रैमासिक परीक्षामा उत्कृष्ट अंक ल्याउने विद्यार्थीलाई एक कार्यक्रम आयोजना गरी कलेजले सम्मान गरेको हो । नेपाल राष्ट्र बैंक विराटनगर शाखाका उपनिर्देशक मनोज गुरुङको उपस्थितिमा  विद्यार्थीहरुलाई नगद पाँच हजार, चार हजार र तीन हजार प्रदान गरी सम्मान गरिएको हो ।

विद्यार्थीहरुलाई कलेजका उपाध्यक्ष प्राडा प्रमोदकुमार झा, प्राचार्य लक्ष्मण ढकाल, उच्च शैक्षिक तथा माध्यमिक संघ ‘हिसान’का केन्द्रीय उपाध्यक्ष भेषराज पोख्रेल, निर्देशक डा मनोज गुप्ता, प्रदिप भगत र नन्दकिशोर अग्रवालले उत्कृष्ट विद्यार्थीहरुलाई पुरस्कृत गरेका थिए ।