नेपाललाई टी-२० एसिया छनोटको अन्तिम उपाधि रक्षाको मौका :  ओमानसँग अघिल्लो हारको बदला लिने अवसर

विराटनगर, १९ कात्तिक : नेपालले एशिया छनौट अन्तिम उपाधिका रक्षा गर्दै आईसीसी टि-२० विश्वकप खेल्न ओमानसँग आज भिड्दैछ । खेल आज आइतबार बिहान ११ बजेदेखि त्रिवि क्रिकेट मैदान कीर्तिपुरमा हुँदैछ ।

यसअघि मुलपानी मैदानमा सेमिफाइनल खेलमा युएईमाथि ८ विकेटको जित निकाल्दै नेपालले सन् २०२४ मा अमेरिका र वेस्ट इण्डिजमा हुने विश्वकपको यात्रा तय गरिसकेको छ ।

नेपाललाई आजको खेलपनि जित्दै छनौट चरणको अन्तिम विजेता घोषित हुँदा नेपाली क्रिकेट प्रतिको चासो र रुची थप बढ्ने छ ।

एसिया छनोटमा ८ देश दुई समूहमा खेलेका थिए । तर समूह ‘ए’ मै रहेका नेपाल र ओमान फाइनलमा पुगे ।

समूह चरणको एक खेलमा ओमानसँग संघर्षपुर्ण खेलेको नेपालले आज त्यो खेलमा चुक्नुपर्दाको बदला लिने अवसर छ ।

समूह चरणको अन्तिम खेलमा व्यहोरेको हारको बदला हेर्न घरेलु मैदानमा नेपाली टोलीलाई दर्शकको समेत साथ रहनेछ ।