पूर्व क्याम्पस प्रमुख ढुङ्गेलको निधन

झापा । सीतारमेश बहुमुखी क्याम्पस बुधबारे झापाका पूर्वप्रमुख ५२ वर्षीय केशव ढुङ्गेलको निधन भएको छ ।

बुद्धशान्ति गाउँपालिका–४ बर्ने निवासी ढुङ्गेलको शनिबार निधन भएको हो । उनको निधनको शोकमा झापाका केही सामुदायिक क्याम्पसहरूले बिदा दिएका छन् । 

आइतबार स्थानीय टिमाई खोलामा उनको अन्त्येष्टि गरिएको छ ।

स्थानीय श्री माध्यमिक विद्यालय र काभ्रेमा लामो समय शिक्षण पेशा गरेका ढुङ्गेल केही वर्षदेखि सीताराम क्याम्पसमा अध्यापनरत थिए । शनिबार बिहान आङ्खनो खेत घुम्ने क्रममा रिंगटा लागेपछि उनलाई घर ल्याइएको थियो । बान्ता भएकाले तत्काल अस्पताल लगिएको थियो ।

अस्पताल लैजाने बित्तिकै चिकित्सकले उनको मृत्युको घोषणा गरेका थिए । करिव ३० वर्ष शिक्षण पेशामा रहेका उनको निधनले शिक्षा क्षेत्रले असल शिक्षाप्रेमी गुमाएको स्थानीय मदन आलेले सामाजिक सञ्जाल मार्फत सार्वजनिक गरेका छन् । 

ढुङ्गेलका श्रीमती एक छोरा र एक छोरी छन् । २८ दिनअघि बाबु टिकाराम ढुङ्गेलको निधन भएको थियो । 

बाबुको १३ दिनको कर्म गर्ने क्रममा उनको शरीरमा ग्लुकोजको मात्रा कमी भएको र त्यसकै असरले मृत्यु भएको हुन सक्ने स्वास्थ्य विज्ञले अनुमान गरेका छन् ।