पुसोम क्याम्पसमा नयाँ विद्यार्थीको स्वागत

विराटनगर : विराटनगर–२ स्थित पूर्वाञ्चल विश्वविद्यालय स्कूल अफ मेनेजमेन्ट (पुसोम) क्याम्पसमा भर्ना भएका नयाँ विद्यार्थीलाई एक दिवसीय अभिमुखीकरण कार्यक्रम भएको छ ।

शनिबार आयोजित कार्यक्रममा बीबीए तथा एमबीएमा भर्ना भएका २७औं ब्याचका विद्यार्थीलाई स्वागत गर्दै क्याम्पसको बारेमा जानकारी गराएको थियो ।

पुसोममा बीबीएमा ८१ र एमबीएमा २६  विद्यार्थी भर्ना भएको क्याम्पसले जनाएको छ ।

कार्यक्रममा  पूर्वाञ्चल विश्वविद्यालय व्यवस्थापन संकायका नवनियुक्त डिन डा सन्देशदास श्रेष्ठ, पूर्व क्याम्पस प्रमुख दिनेशराज सुवेदी, क्याम्पसका निर्देशक प्रशान्तकुमार लाल, प्राडा जीवन ढकाल, डा रमाकान्त दास र इश्वर भण्डारीलगायतले क्याम्पसको बारेमा विद्यार्थीलाई जानकारी गराउँदै स्वागतसमेत गरेका थिए ।