मोरङ इलेक्ट्रिक संघले दियो खाद्यान्न र कपडा

विराटनगर । मोरङ इलेक्ट्रिक संघले सुनसरीको इटहरीस्थित मायाघरलाई न्यानो कपडा, खाद्यान्न लगायतका अत्यावश्यक सामग्री हस्तान्तरण गरेको छ । संघले सामाजिक उत्तरदायित्व बहन गर्दै मायाघरलाई ती सामग्री हस्तान्तरण गरेको जनाइएको छ ।

अध्यक्ष राजेश अग्रवालसहित संघका पदाधिकारी र सदस्यहरूको टोलीले विशेष कार्यक्रम गर्दै मायाघरकी संचालक अनुशा जोशीलाई सामग्री हस्तान्तरण गरेको सचिव एवं ऊक्त कार्यक्रमका संयोजक राजन घिमिरेले जानकारी दिए । उनले कपडा र खाद्यान्नसहित म्याट्रेस, लुगाधुने सर्फ पनि प्रदान गरिएको जानकारी दिए ।