मुद्रण व्यवसायी घिमिरेलाई मातृशोक

विराटनगर । नेपाल मुद्रण व्यवसायी महासंघ कोशी प्रदेश अध्यक्ष लव घिमिरेलाई मातृशोक परेको छ ।

अध्यक्ष घिमिरेकी आमा धनकुमारी घिमिरेको ९१ वर्षको उमेरमा बिहीबार साँझ निधन भएको छ ।

विभिन्न रोगबाट ग्रसित घिमिरेको विराटनगर–१० तिनटोलिया शान्तिचोकस्थित आफ्नै निवासमा निधन भएको हो ।

परिवारमा घिमिरेका चार छोरी र एक छोरा छन् ।

घिमिरेको बिहीबार साँझ नै विराटनगर हाटखोलास्थित परमविश्रान्ति घाटमा अन्तिम संस्कारको तयारी गरिएको नाति गोकुल कार्कीले जनाएका छन् ।