कोशी प्रदेशमा बाढी पहिरोको प्रकोप : उच्च सतर्कता अपनाउन प्रदेश सरकारको आग्रह

विराटनगर । सप्तकोशी नदीसहित  प्रदेशका बहुसंख्यक नदीहरुले खतराको तह पार गरेपछि प्रदेश सरकारले प्रदेशबासीलाई उच्च सतर्कता अपनाउन अपिल गरेको छ ।

बाढीपहिरोका कारण शनिबार बिहानसम्ममा कोशीमा पाँच जनाको मृत्यु भइसकेको छ भने कम्तीमा आठ जना बेपत्ता छन् । 

कोशी नदीले खतराको तह पार गरेपछि मुख्यमन्त्री हिक्मत कार्कीसहित सुरक्षा अंगका प्रदेशस्थित प्रमुखहरु कोशी बराजतिर लागेका छन् । 

त्यसक्रममा मुख्यमन्त्री कार्कीले मानवीय क्षतिप्रति दुःख प्रकट गर्दै उद्धार  राहतमा जुट्न निर्देशन दिएका हुन् ।

कोशीमा पानीको बहाव उच्च भएको छ । ‘मुख्यमन्त्री कार्यालयमा प्राप्त सूचना अनुसार प्रदेशका सबैजसो खोला नदीहरुमा जलसतह बढेको बढ्यै छ’, मुख्यमन्त्री कार्यालयले भनेको 

त्यसैले जोखिम उच्च भएको छ । सरकारले यस्तो बेलामा उच्च सतर्कता अपनाउन अपिल गरेको हो ।’
लगातारको झरीले डुबान भएपछि मोरङमा एक सयभन्दा बढी परिवार विस्थापित भएका छन् ।