सेयर बजार ३००० को विन्दु पार, १८ अर्ब ५२ करोडको कारोबार

काठमाडौं । सेयर बजार परिसूचक मंगलबार ३०.४९ अंकले बढ्दै ३००१.८० को विन्दुमा पुगेको छ । कारोबारमा आएका १३ मध्ये ९ समूहको सूचक उचालिँदा १८ अर्ब ५२ करोड २९ लाख रुपैयाँको कारोबार भएको छ ।

विकास बैंक र फाइनान्सबाहेकका सबै समूह हरियो भएका छन् ।

७४ कम्पनीको सेयरमूल्य घट्दा १७६ को बढेको छ। घटेकामध्ये समता घरेलु लघुवित्तको सेयरमूल्यमा ८.६० प्रतिशतको गिरावट छ ।

बढेकामध्ये मुक्तिनाथ कृषि कम्पनी, ट्रेड टावर र सान्भी इनर्जीको सेयरमा पोजेटिभ सर्किट लागेको छ ।

नाडेप लघुवित्त ९.९९ र नेपाल वेयरहाउजिङ ८.०६ प्रतिशतले बढेका छन् ।

सर्वाधिक कारोबार हुने ५ कम्पनीमध्ये हिमालयन डिष्टिलरी पहिलो नम्बरमा छ ।

उक्त कम्पनीको सेयर ६४ करोड ४१ लाख रुपैयाँको किनबेच भएको छ । ग्रीन भेञ्चर्सको ६३ करोड ८२ लाख, नेपाल पुनर्बीमा ५६ करोड ९२ लाख, हिमालयन पुनर्बीमा ५२ करोड ७७ लाख र राधी विद्युतको ४९ करोड ७७ लाख रुपैयाँको कारोबार भएको छ ।

यसअघि सोमबार १९ अर्ब ३६ करोड ८ लाख र आइतबार २६ अर्ब ५७ करोड ७४ लाख रुपैयाँको कारोबार भएको थियो ।