मोरङ चेम्बर अफ कमर्सद्वारा एसपीलाई सम्मान

विराटनगर । मोरङ चेम्बर अफ कमर्सले विराटनगरले जिल्ला प्रहरी कार्यालय मोरङका प्रमुख प्रहरी उपरीक्षक (एसपी) नारायणप्रसाद चिमरियालाई सम्मान गरेको छ । सोमबार एक कार्यक्रम गरी चिमरियालाई स्वागत तथा सम्मान गरिएको हो ।

प्रहरी र सर्वसाधारणबीच मैत्रीपूर्ण सम्बन्ध कायम गरी र सर्वसाधारणले सहज सेवा प्राप्त गर्नुपर्ने प्रहरी संगठनको जिल्ला नेतृत्वको गहन जिम्मेवारी लिए वापत एसपी चिमरियालाई सम्मान गरिएको आयोजक मोरङ चेम्बर अफ कमर्सका अध्इक्ष यादव पोखरेलले बताए ।

सम्मान ग्रहण गर्दै एसपी चिमरियाले प्रहरी र व्यापारी समुदायबीच हातेमालो गरेर काम गर्न र सुरक्षा व्यवस्था सुदृढ बनाउन प्रतिवद्धता जनाए ।

कार्यक्रममा मोरङ चेम्बरका उपाध्यक्ष शिवप्रसाद रिजाल, महासचिव कृष्णप्रसाद दाहाल, कोषाध्यक्ष मनोजकुमार मिश्र, सचिव हरिबादुर श्रेष्ठ र सदस्यहरू घनश्याम कावरा, जुगल किशोर राठी, भरत थापा, सीतादेवी अधिकारी लामिछाने, रेखा पराजुली र माया ओझाको समेत सहभागिता थियो ।

मोरङ चेम्बर अफ कमर्सको यो कार्यक्रमले समुदाय र सुरक्षाकर्मीबीचको सहकार्यलाई थप सुदृढ बनाउने अपेक्षा गरिएको छ ।