शैक्षिक सामग्री खरिदका लागि लायन्सको सहयोग

विराटनगर । लायन्स क्लब अफ विराटनगर गोग्राहाले एक जना छात्रालाई शैक्षिक सामग्री खरिदका लागि आर्थिक सहयोग गरेको छ । 

सफाइ मजदुरको रुपमा काम गर्दै आएका अरबिन्द मेहतरकी छोरीका लागि क्लबका अध्यक्ष प्रकाश पराजुलीले  कलेज पोशाक सहित शैक्षिक सामग्री खरिद गर्न ९ हजार रुपैयाँ सहयोग गरेका हुन् । 

मेहतरकी छोरी विराटनगरको कान्तिपुर माध्यमिक विद्यालयमा कक्षा ११ मा झर्ना अध्ययनरत छिन् । 

शुक्रबार आयोजित एक कार्यत्रममा अध्यक्ष पराजुलीलगायतले मेहतरलाई नगद रकम हस्तान्तरण गर्दै  भविष्यमा थप सहयोग गर्ने प्रतिवद्धता जनाएका छन् ।

अरबिन्दले लायन्स क्लबले गरेको सहयोगले आफूलाई ठूलो राहत मिलेको बताए । 

सहयोग हस्तान्तरणका कार्यक्रममा क्लबका सचिव चन्द्रमणी गुरागाईं, पूर्वअध्यक्षहरू राजन निरौला, कृष्ण गौतमलगायतको सहभागिता रहेको थियो ।