काली मन्दिरद्वारा तीन सम्मानित

विराटनगर । काली मन्दिर व्यवस्थापन समिति विराटनगरले अग्रज तीन व्यक्तित्वलाई सम्मान गरेको छ । सम्मानित हुनेहरुमा विष्णुप्रसाद कोइराला, पदमप्रसाद गौतम र रामप्रसाद खतिवडा छन् ।

काली मन्दिर तथा काली प्रीतय धर्मशाला नवनिर्माणमा महत्वपूर्ण सहयोग गरेवापत उनीहरुलाई सम्मानित गरिएको हो । 

शुक्रबार मन्दिर परिसरमा आयोजित कार्यक्रममा मोरङका प्रजिअ प्रेमप्रसाद भट्टराई तथा काली मन्दिर व्यवस्थापन समितिकी अध्यक्ष डा मीनाक्षी नेपालले उनीहरुलाई दोसल्ला ओढाई प्रमाणपत्र प्रदान गरी सम्मानित गरिएको हो ।

सो अवसरमा काली मन्दिरको व्यवस्थापनमा सहयोग पुर्‍याउने १५० स्वयम्सेवीलाई समेत सम्मान गरिएको थियो ।

साथै विराटनगर ६ का  दुई सय बढी विपन्न महिलालाई साडी वितरण गरिएको अध्यक्ष डा नेपालले बताइन् ।

वडाध्यक्ष हरिशचन्द्र सहनीको संयोजनमा साडी वितरण गरिएको जनाइएको छ ।