उदयपुरको बेलकाबाट सशस्त्र प्रहरीद्वारा २ सय ८० किलो गाँजा बरामद

विराटनगर । सशस्त्र प्रहरीले दुई सय ८० किलो गाँजा बरामद गरेको छ । उदयपुरको बेलका नगरपालिका–८ सिसौलिघाटबाट उक्त परिमाणको गाँजा बरामद गरेको जनाइएको छ ।

सुरक्षा वेश रामपुरले विशेष सूचनाको आधारमा सिसौलीघाटको जङ्गलमा ६ वटा बोरामा लुकाइराखेको गाँजा बरामद गरेको हो । 

गाँजासहित दुई थान ट्युब र एक थान सानो ठेला गाडा समेत बरामद गरेको सशस्त्र प्रहरीले जनाएको छ ।

बरामद गाँजा र अन्य सामानहरू नियन्त्रणमा लिएपनि संलग्न कोही पनि पक्राउ नपरेको जनाइएको छ ।