एभरेष्टमा दुर्गा पूजा र देउसी

विराटनगर : नेपालीहरुका महान पर्वहरु दशै, तिहार, नेपाल सम्वत् तथा छठलगायतका पर्वका लागि लामो विदामा बस्नुअघि विराटनगर–५ स्थित एभरेष्ट मन्टेश्वरीका बालबालिकाले मंगलबार दुर्गा पूजा गर्दै देउसी र भैलो खेलेर मनाएका छन् ।

चाडपर्वहरुको महत्व झल्कने गरी बालबालिकाले विभिन्न क्रियाकलापमा भाग लिएका हुन् । बडा दशैंमा हुने धार्मिक तथा सांस्कृतिक क्रियाकलापमा सरिक भएका बालबालिकाले दशैं घरमा पूजा गर्नेदेखि नवदुर्गाका विभिन्न स्वरुप तथा लक्ष्मी र गणेश बनेका बालबालिकालाई विद्यालयका प्राचार्य टीकाराम पुरीले पूजा गरेका थिए । यस्तै बालिबालिकाले तिहारमा खेलिने देउसी र भैलोसमेत खेलेर रमाइलो गरेका थिए ।