स्वास्थ्यमन्त्रीद्वारा रंगेली अस्पतालको निरीक्षण

रंगेली । स्वास्थ्य तथा जनसंख्या मन्त्री मोहनबहादुर बस्नेतले बिहीबार रंगेली अस्पतालको निरीक्षण गरेका छन् ।

उनले अस्पतालको बहिरंग, आकस्मिक र प्रसूति  विभागको  निरीक्षण गर्नुका साथै अस्पतालको सेवाबारे बिरामीहरुसँग कुराकानी गरेका थिए । नगरपालिकाले अस्पताल ब्यवस्थापन राम्रो गरेको र चिकित्सकको दरबन्दी उपलब्धसमेत गराउने प्रतिवद्धता जनाएका छन् । 

निरीक्षणपछि मन्त्री बस्नेतले सरकारले तलब स्केलभन्दा बढि सेवा सुबिधा दिने भने पनि चिकित्सकहरु नपाइने  समस्या रहेको बताए ।

१४ वर्षदेखि सरकारले चिकित्सकको दरबन्दी नबढाएको र अहिले नेपालमा स्वास्थ्य क्षेत्रमा ९२ हजार कर्मचारी आवश्यक भएपनि ३१ हजार  मात्रै रहेको उनले जानकारी दिए  ।