सिद्वार्थ सेकेन्डरीमा भलिबल प्रतियोगिता

सुन्दरहरैचा । मोरङको सुन्दरहरैंचा–१० स्थित सिद्वार्थ सेकेन्डरी स्कुलको २९ औं अभिभावक दिवसको अवसरमा विद्यार्थीसँग अभिभावक कार्यक्रम अन्तर्गत  भलिबल  प्रतियोगिता भएको छ ।

सुकुना चौरीमा महिला र पुरूषको फरकफरक समूहमा प्रतियोगिता भएको थियो । प्रतियोगिताको फाइनल खेलमा महिला भलिबल टोलीमा ‘बी’ ले ‘ए’ लाई ३ जितेको थियो ।

साथै प्रतियोगिताको पुरूष भलिबलको टोली ‘बी’ ले टोली ‘डी’ लाई लगातार सोझो सेटमा जितेको थियो । भलिबल प्रतियोगिताका विजेता तथा उपविजेता समूहलाई अभिभावक दिवसको दिन पुरस्कार वितरण गरिने विद्यालयका प्राचार्य अर्जुन बस्नेतले जानकारी दिए ।

भलिबल प्रतियोगितामा महिला र पुरूष गरी ४ समूह  बनाएर खेलाइएको थियो । सिद्वार्थ सेकेन्डरी स्कुलको २९ औं अभिभावक दिवसको अवसरमा विद्यार्थीसँग अभिभावक कार्यक्रम अन्तर्गत दौड प्रतियोगिता,  भलिबल, फुटबल, नृत्य, गायन तथा चिक्रकला कार्यत्रम राखिएको विद्यालयका सहायक प्राचार्य जेबी थुलुङले जानकारी दिए ।