झापामा करीव ६० प्रतिशत मतदान, क्षेत्र नम्बर ५ मा ६१ प्रतिशत

विराटनगर । पाँचवटा निर्वाचन क्षेत्र रहेको झापा जिल्लामा झण्डै ६० प्रतिशत मत खसिसकेको छ । 

अपरान्ह ४ बजेसम्मको विवरण अनुसार ५९ दशमलव ६७ प्रतिशत मत खसेको मुख्य निर्वाचन अधिकृतको कार्यालयले जनाएको छ । 

सवैभन्दा धेरै क्षेत्र नम्बर ५ मा मत खसेको छ । यो क्षेत्रमा ६१.१० प्रतिशत मत खसेको जनाइएको छ ।

क्षेत्र नम्बर १ मा ५८.५८, क्षेत्र नम्बर २ मा ६०.६३, क्षेत्र नम्बर ३ मा ५८.६६ र क्षेत्र नम्बर ४ मा ५८.९६ प्रतिशत मत खसेको हो ।

झापामा ७ लाख १३ हजार ५३७ मतदाता रहेकोमा अपरान्ह ४ बजेसम्म ४ लखा २५ हजार ७३७ मत खसेको जनाइएको छ ।