एक्स्पोभरी रिजालको ट्याङ्की ‘फ्रि डेलिभरी’

विराटनगर । रिजालको ग्रुप अन्तरगत रिजालको पोलिट्याङ्कले विराटनगरमा जारी मोरङ व्यापार संघ एक्स्पो २०२३ मा सवै प्रकारका पानी ट्यांकी खरिद वा अर्डरमा फ्रि डेलिभरी अर्थात निशुल्क ढुवानी गरिदिने व्यवस्था गरेको छ । एक्स्पोको ‘गोल्ड स्पोन्सर’ समेत रहेको रिजालको ग्रुपले आफ्ना अधिकांश उत्पादनमा उद्योगबाट उत्पादित रेटमै सामग्रीहरु अर्डर गर्न सकिने सुविधा उपलब्ध गराएको हो ।

रिजालको ग्रुपले विराटनगरसहित इटहरी, विराट चोक, कटहरी लगायतका ठाउँसम्म पनि एक्स्पो अवधिभर फ्रि डेलिभरीको सुविधा दिएको जनाइएको छ ।

रिजालको ग्रुपले हाल २०० लिटरदेखि १० हजार लिटर क्षमताका ट्याङ्कीहरु उत्पादन गर्दै आएको छ । पानीट्याङ्कीका साथै पीभीसी, सीपीभीसी, एचडीईपी पाइप र अनेकौं प्रकारका फिटिङ्सहरु उत्पादन गर्दै आइरहेको छ । त्यसैगरी ठुलो क्षमताका डष्टबिनदेखि रोड डिभाइडरसमेत निर्माण गर्दै आएको जनाइएको छ । रिजालको ग्रुप अन्तरगत ‘रिजालको’ ब्राण्डको एपीजी ग्यास समेत उत्पादन हुँदै आएको छ ।

रिजालको ग्रुपका मेनेजर नरोत्तम नेपालका अनुसार एक्स्पो अवधिभर पानी ट्याङ्की खरिद वा अर्डर गर्ने उपभोक्ताको घरैमा पुग्ने गरी निशुल्क ढुवानीको व्यवस्था गरिएको छ । त्यसैगरी पाइप र फिटिङ्समा पनि उद्योगको लागत मूल्यमै अर्डर गर्न सकिने उनले जानकारी दिए ।

‘एक्स्पोको हाम्रो स्टलमा जो कोही उपभोक्ताहरु पुगेर हाम्रा उत्पादन खरिद वा अर्डर गर्नसक्नु हुन्छ, जानकारी लिन सक्नुहुन्छ, सुझावहरु दिन सक्नुहुन्छ’ उनले भने, ‘१० प्रकारका जुनसुकै क्षमताको ट्यांकीको खरिद वा अर्डरमा हामीले फ्रि डेलिभरी हुनेछ, उद्योगकै मूल्यमा दिइएकोले उपभोक्ताहरुलाई धेरै सहुलियत पाउने छन् ।’