विराटनगरको निपोन फर्मास्युटिकल्सबाट उत्पादित लिभोसिट्रिजेन सिरपको प्याकिङमा चुहावट

विराटनगर । औषधि व्यवस्था विभागले विराटनगरको निपोन फर्मास्युटिकल्सबाट उत्पादित एक ब्याचको लिभोसिट्रिजेन सिरप बिक्रीमा रोक लगाएको छ ।

विराटनगर–१२ बखरीस्थित निपोन फर्मास्युटिकल्सबाट उत्पादित इभोरिन सिरप नामको औषधिको ब्याच नम्बर बीएलईएन ००१ लाई बिक्रीमा रोक लगाइएको विभागले जनाएको छ ।

विभागका अनुसार राष्ट्रिय औषधि प्रयोगशालामा परीक्षणका क्रममा औषधिको प्याकिङमा चुहावट भेटिएपछि अर्को आदेश नभएसम्म सो औषधि बिक्री वितरण नगर्न भनेको हो ।

विभागले १५ दिनभित्र चुहावट सम्बन्धि विस्तृत प्रतिवेदन पेश गर्न पनि निर्देशन पनि दिएको छ ।