ग्रामथानमा २६ हजार ४४ मतदाता

विराटनगर । उपनिर्वाचन हुन लागेको मोरङको ग्रामथान गाउँपालिकामा मतदाता थपिएका छन् । 

२०७९ को स्थानीय तह निर्वाचनमा २५ हजार ९४२ मतदाता रहेको ग्रामथानमा अहिले २६ हजार ४४ पुगेको जिल्ला निर्वाचन कार्यालय मोरङले जनाएको छ ।

निर्वाचन आयोगले सार्वजनिक गरेको मतदाता नामावली अनुसार २०७९ को तुलनामा यो उपनिर्वाचनसम्म १०२ जना नयाँ मतदाता थपिएका हुन् ।

नयाँ मतदाता संख्या अनुसार १३ हजार ३ पुरुष र १३ हजार ४१ महिला मतदाता कायम भएका छन् । ग्रामथानमा १२ मतदान स्थलमा २९ मतदान केन्द्र तोकिएका छन् ।