सहयोगी मनहरूद्वारा निःशुल्क आँखा शिविर

सुन्दरहरैंचा । मोरङको सुन्दरहरैंचा–७ स्थित सहयोगी मनहरूको आयोजना तथा सामाजिक मिलन केन्द्रको सहकार्यमा शनिबार  निःशुल्क आँखा शिविर सम्पन्न भएको छ । 

गोल्छा आँखा अस्पताल विराटनगर र बीएल आँखा अस्पताल विराटचोकको प्राविधिक सहयोगमा शिविरको आयोजना गरिएको आयोजक  संस्थाका अध्यक्ष भीम अधिकारीले जानकारी दिएका छन् । 

शिविरमा १६० जनाको आँखा जाँच गरिएको थियो भने जसमा २१ जनाको शल्यक्रिया गर्नुपर्ने भएको आयोजक संस्थाका सचिव खेमराज गौतमले बताए ।