विराटनगर । नेकपा एमाले विराटनगर महानगर कमिटीले ७४ औं मदन भण्डारी जन्मजयन्तीको अवसरमा वक्तृत्वकला प्रतियोगिता सम्पन्न गरेको छ ।
‘लोकतान्त्रिक आन्दोलनमा मदन भण्डारीको योगदान’ विषयक अन्तर विद्यालयस्तरीय वक्तृत्वकला प्रतियोगितामा ६ वटा विद्यालयका १० जना विद्यार्थीहरूले प्रतिस्पर्धा गरेका थिए ।
साहित्यकार हरिप्रसाद बराल, सामजिक अभियन्ता दिनेशकुमार श्रेष्ठ र साहित्यकार कविता काफ्ले ‘केशरी’ रहेको निर्णायक मण्डलले पोखरिया माविकी सिम्रन सफल मैनाली प्रथम भएको घोषणा गरे ।
त्यस्तै सत्यनारायण माविकी उमाकुमारी न्यौपाने द्वितीय, सगरमाथा बोर्डिङ स्कुलका प्रिन्सकुमार साह तृतीय र सगरमाथा बोर्डिङ स्कुलका आरध्या कर्ण सान्त्वना भए ।
विजेता विद्यार्थीहरूलाई एमाले केन्द्रीय सदस्य एवं मोरङ जिल्ला इञ्चार्ज जीवन घिमिरे, केन्द्रीय सदस्य रामलाल साह, महानगर कमिटी अध्यक्ष बलराम गिरी लगायतले पुरस्कार वितरण गरेका थिए ।
View : 556
Udghosh Daily
प्रेस काउन्सिल दर्ता नं.- ६१८/२०७४-१-१०
सूचना विभाग दर्ता नं : ४५८७-२०८०/२०८१Copyright © 2023 -2026. Udghosh Daily. All Rights Reserved