सुनसरीको रामधुनीमा सफारी चालकको गोली हानेर हत्या

सुनसरी । सुनसरीको रामधुनी नगरपालिका–२ मा एक ब्यक्तिको गोली हानी हत्या भएको छ ।

रामधुनी नगरपालिका–२ स्थित कर्मन्या टोलको भित्री सडकमा शनिबार साँझ सोही ठाउँका अन्दाजी ४७ बर्षका दिनेश चौधरीको गोली हानी हत्या भएको प्रहरीले जनाएको छ । 

मृतक चौधरी सफारी चालक रहेको र उनलाई मोटरसाइकलमा सवार युवाहरुको समुहले गोली प्रहार गरेर भागेको स्थानीयले बताएका छन् । 

गोली लागेर घाइते उनको घटनास्थलमै मृत्यु भएको हो । गोली प्रहार गरी फरार भएका समुहको खोजी भइरहेको प्रहरीले जनाएको छ ।