हज टोलीलाई विदाई

विराटनगर । विराटनगर–६ स्थित नेपाल मुस्लिम युथ कमिटीले मक्का मदिनामा हज गर्न जाने नेपाली मुस्लिम यात्रीको टोलीलाई एक समारोहका बीच बुधबार विदाई गरेको छ ।

उनीहरुलाई एकदिने हज प्रशिक्षण कार्यक्रम गरी विदाइ गरिएको हो । 

प्रशिक्षणमा सहजीकरण मौलाना अब्दुल मन्नान मझहरी, मौलाना रफिक,  मौलाना जकी अहमद र इमाम हैदरले गरेका थिए ।

अनवर हुसेनको अध्यक्षतामा भएको सो कार्यक्रममा हाजी अरसद हुसेनको विशेष उपस्थिति थियो ।

विसं २०८१ सालमा मोरङबाट १९, झापाबाट ५ जना गरी २४ जना हज गर्न जाने कमिटीका सचिव इमाम हैदरले बताए ।