सातै प्रदेशका प्रहरी प्रमुख फेरिए

विराटनगर । नेपाल प्रहरीका १६ जना प्रहरी नायब महानिरीक्षक(डीआईजी) को सरुवा भएको छ ।

प्रहरी प्रधान कार्यालयले सार्वजनिक गरेको सरुवा तथा काज सूची अनुसार सातवटै प्रदेशका प्रहरी प्रमुख फेरिएका छन् । 

मंगलवार भएको सरुवा सूची अनुसार कोशी प्रदेश प्रहरी कार्यालयका डीआईजी राजेशनाथ बाँस्तोलाको प्रहरी प्रधान कार्यालय अन्वेषण, योजना तथा विकास निर्देशनालायमा सरुवा भएको छ ।

कोशी प्रदेश प्रहरी प्रमुखमा डीआईजी चन्द्रकुवेर खापुङ आउने भएका छन । उनी अख्तियार दुरुपयोग अनुसन्धान आयोग प्रहरी महाशाखा टंगालमा कार्यरत थिए ।