सुनको मूल्य तोलामा  छ सयले घट्यो

काठमाडौँ, १६ भदौ । स्थानीय बजारमा आज सुनको मूल्य तोलामा  छ सयले घटेको छ ।

नेपाल सुनचाँदी व्यवसायी महासङ्घका अनुसार शुक्रबार प्रतितोला  एक लाख ५२ हजार नौ सयमा कारोबार भएको छापावाला सुन आजका लागि  एक लाख ५२ हजार तीन सय निर्धारण भएको छ । 

यस्तै, चाँदीको मूल्य तोलामा २५ ले घटेको छ । शुक्रबार प्रतितोला  एक हजार आठ सय २० मा कारोबार भएको चाँदी आजका लागि  एक हजार सात सय ९५ निर्धारण भएको छ । रासस