शिक्षादीपमा निबन्ध प्रतियोगिता

विराटनगर । ओजोन तहको बिनासविरुद्ध सचेतना जगाउने र त्यसबारे विद्यार्थीहरुमा ज्ञान अभिवृद्धि गर्ने उद्देश्यका साथ विराटनगरको शिक्षादीप कलेजलमा निवन्ध प्रतियोगिता सम्पन्न भएको छ ।

कलेजका विज्ञान संकायका कक्षा ११ र १२ का १५० जना विद्यार्थीहरुले निबन्ध प्रतियोगितामा सहभागिता जनाएका हुन् ।

विश्वभर सेप्टेम्बर १६ (भदौ ३१) मा मनाइने ओजोन तह बिनासविरुद्धको दिवसका अवसरमा निबन्ध प्रतियोगिता आयोजना गरिएको कलेजका संचालक सदस्य रामचन्द्र अधिकारीले बताए ।

सहभागी विद्यार्थीले लेखेका निबन्धहरु मध्येबाट मूल्याङ्कन समितिमार्फत प्रथम, द्वितीय, तृतीय र सान्त्वना छनोट गरिने जनाइएको छ ।

विजेता हुने विद्यार्थीहरुलाई भदौ ३१ गते आयोजना गरिने विशेष कार्यक्रमका अवसरमा पुरस्कार प्रदान गरिने जनाइएको छ ।