सुकुनामा स्वागत तथा बिदाइ

सुन्दरहरैंचा । सुन्दरहरैंचाको सुकुना बहुमुखी क्याम्पसमा बिआईसीटीई प्रथम सेमेष्टरमा अध्ययन गर्न आउने नवआगन्तुक विद्यार्थीहरूलाई खादा फूलमाला तथा अविर लगाएर स्वागत गरिएको छ ।

शिक्षक पुष्कल गौतमले नयाँ विद्यार्थीहरूलाई स्वागत गरेका हुन् । सो कार्यक्रममा आठौं सेमेष्टर पूरा गरेका विद्यार्थीहरूलाई मायाको चिनो दिएर बिदाइ  गरिएको थियो ।

कार्यक्रमको पहिलो सत्रमा नवआगन्तुक विद्यार्थीहरूका लागि अभिमूखीकरण गरिएको थियो ।

अभिमूखीकरण कार्यक्रममा विषय शिक्षक विप्लव ढकाल, क्याम्पस प्रमुख अर्जुनराज अधिकारीले नवआगन्तुक विद्यार्थीहरूलाई स्वागत गर्दै तह पार गरी बिदाइ हुने विद्यार्थीको उज्ज्वल भविष्यको कामना गरेका थिए ।