भट्टराई सेवा समाजको साधारणसभा

विराटनगर । भट्टराई सेवा समाजले आफ्नो २४ औं साधारण सभा सम्पन्न गरेको छ । 

संस्थाले कटहरी–१ स्थित आफ्नै सामुदायिक भवनमा साधारण सभा सम्पन्न गरेको हो । साधारण सभाको कटहरी गाउँपालिकाका अध्यक्ष देवराज चौधरीले उद्घाटन गरे । 

साधारण सभाको अवसरमा समाजले विभिन्न विधागतरुपमा २ दर्जन बढीलाई सम्मान तथा पुरस्कार वितरण गरेको समाजका उपाध्यक्ष प्रकाशदत्त भट्टराईले जानकारी दिए । 

समाजले असल बुहारीका रुपमा सृजा भट्टराईलाई पुरस्कृत गरेको छ । 

यस्तै समाजका एकल महिला, ज्येष्ठ सदस्य, विद्धान र संस्थालाई विभिन्न किसिमले सहयोग गर्ने दाता लगायतलाई सम्मान गरिएको छ । 

कार्यक्रममा ८ विद्यालयका ८ जना विद्यार्थीलाई समेत नगद सहित पुरस्कृत गरिएको समाजका सदस्य अर्जुन भट्टराईले जानकारी दिए । 

सम्मानित तथा पुरस्कृत ब्यक्तित्वलाई समाजका अध्यक्ष विश्वरमण भट्टराई र कटहरी गाउँपालिकाका अध्यक्ष देवराज चौधरी लगायतले सम्मान गरेका थिए ।