विराटनगर । शनिबार विराटनगरको जैन भवनको प्राङ्गणमा हुने तेस्रो संस्करणको विराट म्यूजिक फेस्टिभलको भव्य तयारी गरिएको छ ।
अत्याधुनिक साउण्ड सिस्टम र लाइटसहितको स्टेज निर्माण लगायतका काम तीब्र गतिमा भइरहेको म्यूजिक फेस्टिभलका संयोजक सन्तोष महत (स्यान्ट्रो) ले जानकारी दिए ।
फेस्टिभलका लागि आईएमई पेमार्फत अनलाइन टिकट काट्ने व्यवस्था गरिएको छ । अनलाइन टिकट काट्न नपाउनेहरूका लागि भने जैन भवनमै ‘डोर टिकेटिङ’ को व्यवस्था रहेको जनाइएको छ ।
विराटनगरको रेडमग कफी रेन्बो गल्ली, चिया स्टेशन एयरपोर्ट लाइन, ह्याप्पी आवर हेभन पिपल चोक, मोजो क्याफे ट्राफिक चोक, मनकामना प्रोडक्सन हाउस बरगाछी, हाइकभिजन मल्टिप्लेक्स इन्फो सिस्टम मेनरोड र चिया द टि सप मात्रिका गल्लीबाट समेत टिकट प्राप्त गर्न सकिने महतले बताए ।
उनले अत्याधुनिक साउण्ड र लाइटयुक्त म्यूजिक फेस्टिभलको तयारीमा आयोजक टोली लागिपरेको बताए ।
चर्चित गायक तथा ब्याण्ड ‘स्वप्न सुमन एण्ड दि एस्ट्रेस’ र ‘पूर्ण राई एण्ड दाजुभाइहरू’ ले म्यूजिक फेस्टिभलमा आफ्नो प्रस्तुति दिंदैछन् । साथै विराटनगरका ख्यातिप्राप्त संगीतकर्मीहरूले समेत गीत तथा नृत्य प्रस्तुत गर्ने जनाइएको छ ।
View : 315
Copyright © 2023 -2025. Udghosh Daily. All Rights Reserved