मदरल्याण्ड एकेडेमीमा नृत्य प्रतियोगिता

विराटनगर । बुद्ध जयन्तीको अवसर पारेर विराटनगरस्थित मदरल्याण्ड एकेडेमीले नृत्य प्रतियोगिता आयोजना गरेको छ ।

प्रतियोगितामा उर्वी काˆले, अलिशा श्रेष्ठ, अनुस्का मण्डल, श्रेया कोइराला, युनिका घिमिरे  र सुभेक्षा घिमिरेको समूह प्रथम भएको छ । उनीहरुले नेवारी पहिरन लगाएर सांस्कृतिक नृत्य प्रस्तुत गरेका थिए । प्रथम हुने समूहले नगद पाँच हजार रुपैयाँ पाएको छ । अन्य १० समूहले जनही २ हजार पाएका छन् ।

नृत्य प्रतियोगिताको निर्णायकमा नृत्य निर्देशक प्रेम सुनाम थिए । विद्यार्थीहरुमा भएको प्रतिभा उजागर गर्ने उद्देश्यले नृत्य प्रतियोगिता आयोजना गरिएको स्कुलका प्राचार्य मोहन बुढाथोकीले जानकारी दिए ।

कार्यक्रममा हिसानका केन्द्रीय उपाध्यक्ष भेषराज पोखरेल ,प्याब्सन मोरङकी सल्लाहकार सावित्री पराजुली,  सल्लाहाकार इन्द्र राई, नन्दलाल मण्डल, युवराज अधिकारी , चुडामणि नेपाल, दीपकप्रसाद घिमिरे, गायक सुमित खड्कालगायतले पुरस्कार तथा प्रमाणपत्र वितरण गरेका थिए ।