भोजपुरको हतुवागढीमा एकै परिवारका तीन बालबालिकाको आगलागीमा परी मृत्यु

विराटनगर । भोजपुरको हतुवागढी गाउँपालिका-७ पिप्ले टोल शनिबार साँझ भएको आगोलागीमा परी एकै परिवारका तीन बालबालिकाको मृत्यु भएको छ ।

जिल्ला प्रहरी कार्यलय भोजपुरका प्रहरी निरीक्षक दलकुमार राईका अनुसार एकै परिवारका ३, ६ र ७, बर्षका बालबालिकाहरुको जलेर मृत्यु भएको हो । 

मृत्यु हुनेमा स्थानीय धनबहादुर कार्कीका ३ वर्षीय नातीहरु दिउनीश कार्की, ५ वर्षीय प्रनिश कार्की र ७ वर्षीया नातिनी दिपशिखा कार्की रहेको जनाइएको छ ।

वडाध्यक्ष जंगराज राईले अनुसार बेलुका करीव ६ बजेतिर घर नजिकैको खोल्मा (गुवाली)  मा आगलागी भएको र सोही ठाउँमा उनीहरुको शव भेटिएको जानकारी दिए ।

बच्चाहरुले नै आगो खेलाउने क्रममा खोल्मामा रहेको परालमा आगो सल्किएको र उनीहरुको शव पनि परालभित्र एकै ठाउँमा भेटिएको जनाइएको छ ।