अर्बनको खुला बास्केटबल प्रतियोगिता सम्पन्न

विराटनगर । अर्बन स्पोर्टस् एकेडेमीको आयोजनामा शनिबार विराटनगरको गोग्राहमा खुला बास्केटबल प्रतियोगिता सम्पन्न भएको छ ।

गोग्राह चोकस्थित अर्वन स्पोर्टस्को बास्केबटल कोर्टमा ३ अन ३ प्रतियोगितामा पुरुषतर्फ १६ वटा समूह र महिलातर्फ ३ समूहका सहभागिता जनाएका थिए । पुरुषतर्फ विराटनगर बास्केटबल एकेडेमी ए र महिलातर्फ विराटनगर ए विजेता भएका थिए । 

पुरुषतर्फ नकाउट प्रतिष्पर्धाबाट विराटनगर बास्केटबल एकेडेमी र द व्वाइजबीच उपाधिका लागि भिडन्त भएको थियो । महिलातर्फ विराटनगर बास्केटबल र विराटनगर बास्केटबल बी बीच लिग अन्तर्गत फाइनलमा भिडन्त भएको थियो ।

विजेता समूहलाई मोरङ बास्केटबल संघका अध्यक्ष विनायक पन्तले नगद, ट्रफी, पदक र प्रमाणपत्र वितरण गरेका थिए ।   पुरुष र महिला दुर्वतर्फका उत्कृष्ट भएका खेलाडीहरुलाई ट्रफी र पदक वितरण गरिएको थियो ।

अर्बन स्पोर्टस एकेडेमीले आउने दिनमा अझ खेलकुदलाई प्राथमिकता दिंदै शारीरिक प्रतिस्पर्धा, व्याटमिन्टन, फुटसललगायतका प्रतियोगिता समेत गर्दै लाने संस्थाका जिसस न्यौपानेले बताए ।