वक्तृत्वकलामा आयुषा सुवेदी प्रथम

इटहरा । रतुवामाई जेसीजले आयोजना गरेको 'लागूऔषध नियन्त्रणमा युवाको भूमिका' विद्यालय स्तरीय वक्तृत्वकला प्रतियोगितामा अन्नपूर्ण इङ्गलिस स्कुलकी छात्रा आयुषा सुवेदी प्रथम भएकी छन् ।

गत शुक्रबार रतुवामाई नगरपालिका-८ स्थित सरस्वती माध्यमिक विद्यालयको सभाहलमा सम्पन्न भएको प्रतियोगितामा सुवेदी प्रथम भएकी हुन् ।

सुवेदीले नगद २५ हजार रुपैयाँसहित ट्रफी, मेडल र प्रमाणपत्र प्राप्त गरेकी छन् ।

मुनाल आदर्श स्कुलका छात्र उत्सव सापकोटा दोस्रो भएका थिए । उनले नगद १५ हजारसहित प्रमाणपत्र प्राप्त गरेको जनाइएको छ । 

प्रतियोगितामा सयपत्री बोर्डिङकी छात्रा साहरा राई तेस्रो हुँदै नगद १० हजार रुपैयाँ प्राप्त गरेकी छन् । 

सिद्धकाली माविकी पुजाकुमारी दासले सान्त्वना पुरस्कार स्वरुप ५ हजार रुपैयाँ प्राप्त गरिन् । 

प्रतियोगीतामा २० जना विद्यार्थीहरुले सहभागीता जनाएको कार्यक्रम संयोजक लेखनाथ न्यौपानेले जानकारी दिए ।