उदयपुरको गाईघाटस्थित ग्यारेजमा भीषण आगलागी

विराटनगर । उदयपुरको सदरमुकाम गाईघाटस्थित एउटा अटो ग्यारेजमा भीषण आगलागी भएको छ । आइतबार साँझ करिब ७ बजेतिर आगलागी सुरु भएर नियन्त्रण बाहिर पुगेको थियो ।

त्रियुगा नगरपालिकाको दमकलले आगो निभाउने प्रयास गरिरहेको जनाइएको छ । 

त्रियुगा माध्यमिक विद्यालयको पछाडिपट्टि रहेको सटरमा संचालित राज अटो ग्यारेजमा आगलागी भएको हो । आगलागीबाट ग्यारेज पूर्णरुपमा जलेको छ । आगलागीको कारण खुल्न सकेको छैन । मानवीय क्षति नभए पनि त्यहाँ रहेका मोटरसाइकल, त्यसका पार्टस् समेत जलेको जनाइएको छ ।