ओखलढुंगाको माेलुङ ५ मा एमालेका गंगा तामाङ विजयी

ओखलढुंगा । ओखलढुंगाको मोलुङ गाउँपालिका वडा नम्बर ५ को वडाध्यक्षमा नेकपा एमाले विजयी भएकाे छ ।

एमालेका उम्मेदवार गंगा तामाङले ३९९ मत पाएर विजयी भएका छन् । उनका प्रतिस्पर्धी कांग्रेसका धनश्याम दाहालले १७७ मत पाए ।

रास्वपाका विष्णु पोखरेलले १५१ मत पाउँदा माओवादी केन्द्रका मानबहादुर सुनुवारले २३ मत पाए ।

मोलुङ ५ मा २०५४ यताका सवै निर्वाचनमा कांग्रेसले जित्दै आएको थियो । २०७९ को स्थानीय तह निर्वाचनमा नेपाली कांग्रेसबाट निर्वाचित गोपी कार्कीको निधनपछि उपनिर्वाचन भएको हो । 

यो उपनिर्वाचनमा भने एमालेले पहिलो बाजी मारेकाे हाे ।

याे वडा एमाले केन्द्रीय सदस्य यज्ञराज सुनुवारकाे वडा हाे । उनले पनि आइतबार बिहान मतदान गरेका थिए ।