विराटनगर टोस्टमास्टर क्लवमा जाजोडिया

विराटनगर । विराटनगर टोस्टमास्टर्स क्लवको अध्यक्षमा पुनम जाजोडिया चयन भएकी छन् । समितिको उपसभापतित्रय अन्तर्गत शिक्षा, सदस्यता वितरण र जनसम्पर्क  संयोजकमा क्रमशः मिनल तातेड, सुमित अग्रवाल र निपुण रेग्मी छन् । समितिको सचिवमा सलोनी अग्रवाल, कोषाध्यक्षमा अर्जुन खतिवडा र सचेतकमा अस्मिता अधिकारी छन् ।  

विराटनगमा एक वर्ष अघि विराटनगर टोस्टमास्टर्स क्लव ( विराटनगर टीएमसी) गठन भएको थियो । पहिलो भेलाले नवीन झुनझुनवालाको अध्यक्षतामा समिति गठन भएको जनाइएको छ ।

अमेरिकाको एंगलवुड कोलोराडोमा केन्द्रीय कार्यालय रहेको, एक सय वर्ष अघि सन् १९२४ मा स्थापना भएको टोस्टमास्टर क्लवका शाखाहरु १४८ देशमा फैलिएका छन् । जसअन्तर्गत १४ हजार २ सय क्लव अन्तर्गत दुई लाख  ७० हजार सदस्यहरु छन् । 

पछिल्लो समयमा नेपालमा स्वदेशी क्लवको भन्दा अमेरिकी क्लवप्रति शहरी युवाहरुको आकर्षण बढेसँगै युवाहरु टीएमसीमा आवद्ध भएका हुन् । लाइन्स, रोटरी र जेसीससँगै विराटनगरमा अमेरिकी टोस्टमास्टर क्लव पनि भिक्रिएको छ । युवा नेतृत्व, व्यत्तित्व विकास, सामाजिक सेवाको नारा दिने भएकाले यी क्लवहरुमा युवाहरु आकर्षित भएको बताइन्छ ।