नेकपा बहुमतका दुई कार्यकर्ता पक्राउ

विराटनगर । निर्वाचन विरोधी गतिविधिमा संलग्न रहेको आरोपमा झापाबाट नेपाल कम्युनिष्ट पार्टी (बहुमत) का दुई कार्यकर्ता पक्राउ परेका छन् । 

पक्राउ पर्नेमा केन्द्रीय सचिवालय सदस्य तथा १ नं. ब्यूरो इन्चार्ज ‘धमिल’ र झापा जिल्ला कमिटी सदस्य हेम अर्याल रहेको प्रहरी स्रोतले जनाएको छ । उनीहरू बुधबार अपरान्ह बुद्धशान्ति गाउँपालिकाबाट पक्राउ परेको जनाइएको छ ।

निर्वाचन विरोधी गतिविधिमा संलग्न रहेको आरोपमा पक्राउ परेका उनीहरूमाथि प्रहरीले आवश्यक अनुसन्धान अघि बढाएको जनाएको छ ।

नेकपा बहुमतका कार्यालय सचिव अविरलले पार्टीका नेता कार्यकर्ताको गिरफ्तारीको विरोध जनाउँदै तत्काल रिहा गर्न माग गरेका छन् । 

उनले संगठनात्मक कामको शिलसिलामा रहेका नेताहरूलाई पक्राउ गरेर सरकारले न्यूनतम् लोकतान्त्रिक अधिकारको उल्लंघन गरेको आरोप लगाएका छन् ।