आश्रमलाई फाउन्डेसनको सहयोग

विराटनगर । तोरेन्द्रमान सिंह फाउन्डेसनले मानव सेवा आश्रममा आश्रितहरूलाई ९२ जोर चप्पल प्रदान गरेको छ । 

आश्रममा आश्रित बृद्धबृद्धा तथा दाजुभाइहरूले जाडोको मौसममा खाली खुट्टा हिंड्न नपरोस् भन्ने उद्देश्यले सोमबार चप्पल प्रदान गरेको फाउन्डेसनका सचिव हरिबहादुर श्रेष्ठले जानकारी दिए ।

उनका अनुसार विराटनगर–४ वन कार्यालयछेउमा रहेको आश्रममा आयोजित संक्षिप्त कार्यक्रममा फाउन्डेसनका अध्यक्ष सुदर्शनबहादुर श्रेष्ठ, उपाध्यक्षहरू श्याम पौडेल, राजन श्रेष्ठ, स्वर्गीय प्रधानकी पुत्री सम्झना प्रधानलगायत उपस्थित थिए ।