हिमताल फुटेर थामे बस्ती बगाएको निष्कर्ष (फोटोहरू हेर्नुहोस्)

विराटनगर । खुम्बु पासाङल्हामु गाउँपालिका–५ थामे बस्ती बगाउने गरी शुक्रबार आएको बाढी सोही क्षेत्रको हिमाली भेगमा रहेको एउटा हिमताल फुटेर आएको खुलेको छ । 

शनिबार रक्षामन्त्री मानवीर राईसहित विज्ञ टोलीले बाढी प्रभावित क्षेत्रको हेलिकप्टरबाट अवलोकन गरेपछि हिमताल फुटेको तथ्य सार्वजनिक भएको हो ।

थामेभन्दा उत्तरी क्षेत्रमा रहेका चारवटा हिमताल मध्ये एउटा हिमताल फुटेर थामे खोलामा लेदो सहितको बाढी आएको देखिएको छ ।

नेपाली सेनाको हेलिकप्टरबाट हिमताल रहेका क्षेत्रको अवलोकन गर्दा एउटा हिमताल फुटेको पाइएको खुम्बु पासाङल्हामु गाउँपालिकाले जनाएको छ ।