ट्याङ्करभित्र ६ क्विन्टल गाजा, भेडेटारबाट मध्यरातमा ट्याङ्करसहित चारजना पक्राउ

विराटनगर । प्रहरीले धनकुटाको साँगुरीगढी गाउँपालिका–६ स्थित भेडेटारबाट बुधबार झण्डै ६ क्विन्टल गाजा बरामद गरेको छ । पेट्रोलियम पदार्थ ढुवानी गर्ने ट्याङ्करको प्रयोग गरी गाजाको ओसारपसार गर्ने चार जनालाई प्रहरीले पक्राउ गर्न समेत सफल भएको छ ।

सुनसरी र सिमावर्ती क्षेत्रबाट भइरहेको गाजा तस्करीमा प्रहरीले दैनिक ठुल्ठुलो सफलता प्राप्त गर्दै आएको हो । बुधबार विहान करीव २ बजेतिर प्रहरीले ट्याङ्कटर नियन्त्रणमा लिएर चेकजाँच गर्दा गाँजा ५ सय ९४ किलो गाजा बरामद गरेको हो ।

प्रहरीले विशेष सूचनाको आधारमा इलाका प्रहरी कार्यालय भेडेटारका प्रहरी निरीक्षक जीवन कार्कीको नेतृत्वमा खटिएको प्रहरी टोलीले मुलघाटबाट विराटनगरतर्फ जाने क्रममा को१ख ७३२२ नम्बरको डिजेल/पेट्रोल बोक्ने ट्यांकर नियन्त्रणमा लिएको हो । ट्यांकर रोकेर त्यहाँको तेल भर्ने ट्यांकीमा चेकजाँच गर्दा भित्र लुकाईछिपाई राखेको गाजा फेला पारेको जिल्ला प्रहरी कार्यालय धनकुटाका प्रवत्ता प्रहरी नायव उपरीक्षक राजबाबु महर्जनले बताए ।

प्रहरीले गाजासहित भारतको अररियाका ४४ वर्षीय नईम खान, सह–चालक एम.डि. अफ्रोज, ट्याङकरमा सवार ७० बर्षीय लखन महत्तो र रंगेली नगरपालिका–७ मोरङका ७० बर्षीय गयानन्द मण्डललाई पक्राउ गरेको हो । प्रवत्ता महर्जनले थप अनुसन्धान भइरहेको जानकारी दिए ।