केभीएममा एथ्लेटिक्स छनौट प्रतियोगिता

विराटनगर : विराटनगरको संसारीमाइस्थानस्थित कोसी विद्या मन्दिर(केभीएम)ले मंगलबार एक दिवसीय एथ्लेटिक्स छनौट प्रतियोगिता गरेको छ । विद्यालयको खेलकुद सप्ताहका लागि कक्षा ६–१० सम्मका विद्यार्थीबाट एथलेटिक्स छनौट प्रतियोगिता गरिएको विद्यालयले जनाएको छ ।

विद्यालयले भित्री तथा बाहिरी (आउट डोर र इन्डोर) गरी २ वटा प्रतियोगिता गर्ने जनाएको छ । बाहिरी प्रतियोगिताअन्तर्गत ज्याब्लिन थ्रो, १०० र २०० मिटर दौड, लङ्गजम्प, र हाइजम्प शीर्षकमा प्रतियोगिता आयोजना गरिने बताइएको छ ।

विद्यार्थीको शारीरिक तथा मानसिक विकासका लागि माघको पहिलो साता विद्यालयले खेलकुद सप्ताह गर्ने उल्लेख गरेको छ ।