प्रहरी चौकी नुमको कार्यालय भवन उद्घाटन

संखुवासभा । संखुवासभाको मकालु गाउँपालिका–५ मा रहेको प्रहरी चौकी नुमको नवनिर्मित कार्यालय भवनको कोशी प्रदेश प्रहरी प्रमुख प्रहरी नायव महानिरीक्षक चन्द्र कुवेर खापुङले उद्घाटन गरेका छन् ।

नव निर्मित भवनको उद्घाटन कार्यक्रममा कोशी प्रदेश प्रहरी कार्यालय विराटनगर भौतिक पूर्वाधार शाखाका प्रहरी उपरीक्षक आर्किटेक हरि डंगोलले भवन निर्माण सम्वन्धी प्रतिवेदन प्रस्तुत गरेका थिए ।

प्रमुख जिल्ला अधिकारी बिनोदकुमार खड्का, जिल्ला प्रहरी कार्यालय संखुवासभाका प्रमुख प्रहरी नायव उपरीक्षक दक्षकुमार बस्नेत, मकालु गाउँपालिकाका अध्यक्ष ओङदी छिरिङ शेर्पा, जिल्ला समन्वय कार्यबाहक प्रमुख वबिता खत्रीले मन्तव्य राखेका थिए । 

नवनिर्मित अढाई तल्ले सुबिधा सम्पन्न कार्यालय भवन नेपाल सरकारको १ करोड ४४ लाख ३० हजार ४३४ रुपैया“को लागतमा निर्माण सम्पन्न भएको बताइएको छ ।