मेयर बगडिया नगर विकास कोषमा नियुक्त

विराटनगर । नगर विकास कोषको सञ्चालक समितिमा रंगेली नगरपालिकाका मेयर दीलिप बगडिया नियुक्त भएका छन् ।

रंगेलीलाई नमूना नगरको रुपमा विकास गर्न सफल मेयर बगडियालाई गत साउन २२ गते बसेको मन्त्रिपरिषद् बैठकले कोषको सञ्चालक समितिमा नियुक्त गरेको हो ।

कोशी प्रदेशबाट मेयर बगडिया मात्र नगर विकास कोषको सञ्चालक समिति सदस्य पदमा नियुक्त भएका हुन् ।

सञ्चालक समितिमा नियुक्त भएपछि मेयर बगडियाले नगर विकास कोषबाट दिने सेवा प्रवाहलाई सहज र सुलभ ढंगले कार्यान्वयनमा लगिने प्रतिवद्धता जनाएका छन् ।