चर्च ब्वाइजलाई झापा गोल्डकपको उपाधि

झापा । बिभागीय टिम एपीएफलाई ३–० गोलले हराउँदै चर्च ब्वाइज युनाइटेडले झापा गोल्डकप–२०८० को उपाधि चुमेको छ  ।

सोमबार भएको फाइनल खेलमा विभागीय टोली शसस्त्र प्रहरी बलको एपीएफ एफसीलाई ३–० ले पराजित गरेपछि चर्च ब्वाइज खेलको च्याम्पियन बनेको हो ।

सहिद स्मारक ए डिभिजन लिग विजेता चर्च ब्वाइजको जितमा फकुन्लेले दुई तथा राजेश परियारले एक गोल गरे ।

टोली अपराजित रहदै च्याम्पियन भयो । च्याम्पियन चर्च ब्वाइजले १३ लाख रुपैयाँ प्राप्त गरेको छ ।

पहिलो पटक च्याम्पियन बन्ने लक्ष्य राखेको एपीएफ भने उपविजेता बन्यो । खेलको १२ औं मिनेटमा फकुन्लेले पहिलो गोल गरे ।

दोस्रो गोल ७२औं मिनेटमा फकुन्लेले नै गरे । तेस्रो गोल ८७औं मिनेटमा भयो ।

वैकल्पिक खेलाडी राजेश परियारले तेस्रो गोल गरेकाथिए ।