मोरङ ट्राफिकलाई जीवन विकासले दियो कम्प्युटर र प्रिन्टर

विराटनगर । जीवन विकास लघुवित्त वित्तीय संस्थाले ट्राफिक प्रहरीलाई कम्प्युटर सेट सहयोग गरेको छ । बिहीबार लघुवित्तले जिल्ला ट्राफिक प्रहरी कार्यालय मोरङलाई प्रिन्टरसहितको कम्प्युटर सेट हस्तान्तरण गरेको हो । 

लघुवित्तका प्रमुख कार्यकारी अधिकृत संजयकुमार मण्डलले जिल्ला ट्राफिक प्रहरी कार्यालय मोरङका प्रहरी नायब निरीक्षक राजकुमार बस्नेतलाई उक्त कम्प्युटर एक समाराेहका बिच हस्तान्तरण गरेका छन् ।

लघुवित्तले संस्थागत सामाजिक उत्तरदायित्व अन्तरगत जनतालाई सहज सेवा प्रवाह र ट्राफिक व्यवस्थापनमा सहयोग गर्ने उद्देश्यले कम्प्युटर हस्तान्तरण गरिएको प्रमुख कार्यकारी अधिकृत मण्डलले बताए ।

कम्प्युटर हस्तान्तरण कार्यक्रममा लघुवित्तका नायब प्रमुख कार्यकारी अधिकृत दामोदर रेग्मी, संस्थाको सामाजिक विकास शाखा प्रमुख विजयकुमार मण्डल, तालिम विभाग प्रमुख रञ्जना निरौला लगायतको उपस्थिति थियो ।