ट्राफिक प्रहरीलाई हातपात गर्न खोज्ने दुई युवक पक्राउ

विराटनगर । ट्राफिक व्यवस्थापनमा खटिएका ट्राफिक प्रहरीमाथि दुव्र्यवहार र हातपात गर्न खोज्ने दुई युवक पक्राउ परेका छन् । 

जिल्ला प्रहरी कार्यालय मोरङले उनीहरूलाई पक्राउ गरी कारवाही अघि बढाएको हो । 

विराटनगर महानगरपालिका–७ जैन भवन अगाडि ड्यूटीमा खटिएका ट्राफिक प्रहरीलाई चेकजाँच गर्ने क्रममा विराटनगर–८ बस्ने २८ वर्षीय सविन कामत र २६ वर्षीय विभेक रायले हातपातको प्रयास गरेका थिए । 

उनीहरूले चेकजाँचका क्रममा प्रहरीसँग विवाद गरेपछि भएको भनाभनपछि हातपात गर्ने प्रयास गरेको प्रहरीले जनाएको छ ।