महेश नवमीको अवसरमा माहेश्वरी समाज विराटनगरद्वारा वृक्षारोपण

विराटनगर । महेश नवमी २०८३ को अवसरमा माहेश्वरी समाज विराटनगरले वृक्षारोपण कार्यक्रम सम्पन्न गरेको छ ।

समाजको महिला मञ्च र युवा मञ्चको संयुक्त आयोजनामा सम्पन्न कार्यक्रममा समाजका पदाधिकारी, सदस्य तथा स्थानीयवासीहरूको सहभागिता रहेको थियो ।

विराटनगरस्थित आईसीडी यार्ड परिसरमा आयोजित कार्यक्रममा विभिन्न प्रजातिका बिरुवा रोपेर वातावरण संरक्षण, हरियाली प्रवर्द्धन तथा स्वच्छ वातावरण निर्माणमा योगदान पुर्‍याउने प्रतिबद्धता व्यक्त गरिएको आयोजकले जनाएको छ ।